लोकमान्य टिळक महाविद्यालयातील एड्स दिन संपन्न…
प्रतिनिधी : आकाश दुबे, वणी
लोकमान्य टिळक महाविद्यालयातील राष्ट्रीय सेवा योजना विभाग आणि ग्रामीण रुग्णालय वणी यांच्या संयुक्त विद्यमाने दरवर्षीप्रमाणे याही वर्षी एड्स जनजागृती सप्ताहाचे आयोजन मोठ्या उत्साहात करण्यात आले. 1 डिसेंबर एड्स दिन म्हणून संपूर्ण देशात साजरा केला जातो.
लोकमान्य टिळक महाविद्यालयात सुद्धा या दिनाचे औचित्य साधून एड्स जनजागृती रॅली, एड्स जनजागृती पर पोस्टर कॉम्पिटिशन , क्विझ कॉम्पिटिशन, तसेच राष्ट्रीय सेवा योजनेच्या विद्यार्थ्यांनी गावामध्ये विविध ठिकाणी जाऊन एड्स जनजागृती पर पथनाट्य आणि रोडशो चे प्रदर्शन केले. तसेच व्याख्यानाचे सुद्धा आयोजन करण्यात आले. व्याख्यानाच्या या सदर कार्यक्रमा चे अध्यक्ष महाविद्यालयाचे प्राचार्य डॉ .प्रसाद खानझोडे यांनी विद्यार्थ्यांना मार्गदर्शन करताना एड्स हा महाभयंकर रोग असला तरी त्याचा सामना धैर्याने करावा तसेच युवा पिढीने समाजात याविषयी जनजागृती करावी युवक आणि युवतीने विवाहपूर्वी कुंडली पाहण्यापेक्षा एड्स ची टेस्ट करावी व सुदृढ भारत घडविण्यासाठी मदत करावी. असे मार्गदर्शनपर उद् बोधन केले.
या कार्यक्रमास प्रमुख अतिथी म्हणून प्राथमिक आरोग्य केंद्राच्या एकात्मिक सल्ला व चाचणी केंद्र ग्रामीण रुग्णालय वणी समुपदेशक संगीता वैद्य आणि प्रकाश काळे हे उपस्थित होते. संगीता वैद्य यांनी एड्स या रोगाबद्दल संपूर्ण माहिती दिली तसेच विद्यार्थ्यांना असणाऱ्या शंकांचे निरसन त्यांनी केले काहीही अडचण असल्यास 1097 या टोल फ्री क्रमांक वर फोन करून अडचणींचे निरसन कुणीही करू शकतं असं मार्गदर्शन त्यांनी आपल्या भाषणात केलं.
कार्यक्रमाचे प्रास्ताविक डॉ. नीलिमा दवणे यांनी केले आणि एड्स जनजागृती करण्याची शपथ प्रकाश काळे यांनी विद्यार्थ्यांना दिली. कार्यक्रमाचे संचालन राष्ट्रीय सेवा योजनेची विद्यार्थिनी रजनी गारगाटे हिने केले व आभार प्रदर्शन चंचल मडावी राष्ट्रीय सेवा योजना स्वयंसेवक यांनी केले. पोस्टर प्रदर्शनी पाहून तसेच आरोग्य तपासणीनंतर कार्यक्रमाचे सांगता झाली. राष्ट्रीय सेवा योजनेच्या सर्व विद्यार्थ्यांचा उत्स्फूर्तपणे प्रतिसाद या कार्यक्रमास होता. कार्यक्रमाचे नियोजन डॉक्टर नीलिमा दवणे आणि डॉ.विकास जूनगरी राष्ट्रीय सेवा योजना कार्यक्रम अधिकारी यांनी केले.
